Maqedonia regjistron pesë viktima dhe 101 raste të reja me koronavirus

16:20 | 21 Qershor 2020
Arbresh.info

Gjatë 24 orëve të fundit janë kryer 776 testim dhe janë regjistruar 101 raste të reja me coronavirus.

Nga rastet e reja 57 janë në Shkup, 13 në Kumanovë, 1 në Dibër, 3 në Shtip, 19 në Tetovë, 1 në Strugë dhe Veles, 2 në Manastir, 1 në Ohër dhe Gostivar dhe 2 raste në Resnjë.

Nga Ministria e Shëndetësisë bëjnë të ditur se kanë vdekur edhe 5 pacientë. Prej tyre njëri nga Shkupi, dy nga Kumanova dhe nga një në Strugë dhe Gostivar.

Sot Instituti për Shëndet Publik regjistroi 22 pacientë të shëruar. 11 janë nga Shkupi, 10 në Tetovë dhe një nga Velesi.

Deri tani janë bërë gjithsej 51.160 testime për coronavirus.

Numri i përgjithshëm i të diagnostifikuarve në Maqedoninë e Veriut që nga fillimi i epidemisë është 5.106, numri i pacientëve të shëruar është 1.926, ndërsa numri i të vdekurve është 238. Momentalisht ka 2.972 raste aktive.